Die letscht Groppe esch ächt patriotisch ond vor allem enorm kreativ gsii. So hed de Männerchor die ganz Nacht lang de schwiizer Psalm als vierstemmige Kanon in piano gschnarchlet. Höt am Morge hend de au d' Schüeler ond Inne eri "Swissness" bewese, in dem sie groppewiis de Schwiizerpsalm in Form vomene Wettbewerb vortreid hend. (Hallo Politik! im OZ Matt, z 6014 chönnd de im Fall alli Schüeler die erschti Strofe oswändig ond das sogar im Kollektiv ond ohni abzlääse!)
De Tell esch geschter Obig au werde of enorm orginelli Art ond Wiis interpretiert worde. Als Schüri werds zuenähmend schweriger, e klaare Sieger z' beschtemme. Mr send jo ächt g' schpannt, was mer höt Obig no z' Lache händ.
D' Komplimänt, wommer for üses Ässe einisch meh hend dörffe entgäge näh, get eus nomou zuesätzlich Schuub, damet mer üses Schloofmanko ned eso merkid.
S' Chochiteam werd höt Obig nach em z' Nacht liecht reduziert sii, wöu mer no es Fahrzüüg müend organisiere, dämet mer alles Matriau morn chönd hei nääh, wo wäge z' vöu Härz ond z' wenig Verschtand be öis deponiert worde esch.
Üüs got' s guet (sniff, sniff)
You should never change a winning team!!
Leser
