Abschied

Leider hend mer hüt am Mettag müesse Abschied vo eusem "Häufermami" näh. Die gueti Seel werdid mer secher no schwär vermesse, vor allem am Morge früeh, wemmer noned eso wach send, aber alles settid im Greff ha. Merci nomou!!! für dini grandiosi Methelf und die gueti Luune, wo du eus i' Chochi broocht hesch.
Dämou hemmer e rechtig ruhigi Nacht gha. Es zeigt sech einisch meh, dass sech gwössi Lüüt erscht denn chönd rechtig entfalte, (bzw. ruhig schloofe chönid), wemmer ene die rechtige Rahmebedengige schafft. (Die rechtig Person, zom rächte Ziitponkt am optimale Ort.)
Mer send voller Tatedrang ond freuid üs of die nächscht Groppe. Leider werds emmer Chöuter, deför goht' s de halt am Obig omso heisser zue. Mer send jetzt scho gschpannt, was mer höt Obig för ne Version vom Tellewilly z' gseh öberchömid.